ДО КОГА ЌЕ МЛАТИМЕ ПРАЗНА СЛАМА?
Кога во 2013 година со „Македонски манифест“ одевме во источна Македонија, зборував дека македонската држава личи на болен човек од рак пред кого има две можности. Да направи операција при што шансите за спас на државата се 50 % или пак да да се откаже од хируршка интервенција, да агонизира некое време и потоа 100 % да ја снема. Јавноста во Велес, Штип, Свети Николе, Пробиштип, Гевгелија и др. го памти тоа. Некои не ги сфатија моите зборови сериозно, други се плашеа. Денес, според мене состојбата е таква што шансите и со операција се 5 -10 %, а без неа секако нула. И пак, не само јавноста, туку и македонскиот народ не го разбира тоа.
Три децении се вртиме во круг околу прашања без смисла:
Прво, илузија за обединување на македонскиот народ. Такво чудо немало никогаш во целата македонска историја и не може да има, затоа што народот секогаш бил поделен. Поделен социјално, како и заради секогаш присутните странски пропаганди – римска, византиска, османлиска, грчка, бугарска, српска и т.н. УСПЕШНИОТ ИЗЛЕЗ СЕКОГАШ БИЛ ТОГАШ КОГА МАКЕДОНСКАТА ПАТРИОТСКА СТРУЈА ГИ ПОБЕДУВАЛА АНТИМАКЕДОНСКИТЕ СТРУИ.
Второ, илузија околу сегашните наводно македонски партии СДСМ и ВМРО-ДПМНЕ. Сите тврдиме дека спомнатите партии го поделиле македонскиот народ, а не разбираме дека антимакедонски струи се кријат зад партиските симболи. СДСМ не е некогашната СКМ, а уште помалку комунистичката партија, која водеше антифашистичката војна. СДСМ се дегенерати на некогашните антифашисти, трансформирани во целосни слуги на Западот. ВМРО-ДПМНЕ секогаш била прозападно ориентирана организација. Притоа, уште со своето создавање во 1990 г. е „бугарашка“ организација. Тоа го признава и нејзиниот лидер Љубчо Георгиевски. КРАТКО КАЖАНО, ПРОЗАПАДНИ ДЕГЕНЕРАТИ МРАЗАТ ПРОЗАПАДНИ БУГАРАШИ. КАДЕ Е ВО ЕДНАТА И ВО ДРУГАТА ПАРТИЈА МАКЕДОНСКОТО? ГО НЕМА, а ние се вртиме околу имиња: Георгиевски, Груевски, Мицкоски, без да гледаме дека станува збор за идеолошка ориентација. ИЗЛЕЗОТ Е РАСПУШТАЊЕ НА СДСМ И ВМРО-ДПМНЕ И СОЗДАВАЊЕ НА НИВНО МЕСТО НА МАКЕДОНСКА НАЦИОНАЛИСТИЧКА ПАРТИЈА. КАКО ОНАА НА АТАТУРК ПО КАПИТУЛАЦИЈАТА НА ОСМАНЛИСКАТА ИМПЕРИЈА.
Трето, сите зборуваат за изборите, заборавајќи ја мислата на Марк Твен: „Ако изборите решаваа нешто, ќе беа забранети“. Не решаваат ништо, затоа што партии и индивидуалци ВЕТУВААТ, но нема адекватна казна за лажно ветување. Кај нас нема ништо, но и во другите држави, најмногу на некој да му биде одземен пратеничкиот мандат. Оттука и глупите лозунзи: Ако Заев вети ова, ако Мицкоски вети она…Кога ветуваат, а не исполнуваат има ли целосна конфискација, има ли куршум? Нема. Зошто тогаш млатиме празна слама?
Четврто, најсмешни ми се правниците, залутани во вселената. Да размислуваш како ПРАВНО да поништиш закон или договор донесен на криминален и бандитски начин, значи да не знаеш во каква држава и во каков регион живееш. Па тогаш џабе ти се 40, 50 или 70 години во кои си на овој свет.
АКО НАПРАВИМЕ НЕ ЕМОТИВНА, ТУКУ ЛАДНОКРВНА РЕКАПИТУЛАЦИЈА, ЌЕ ВИДИМЕ ДЕКА:
– ИЗБОРИТЕ НА 12 АПРИЛ ИЛИ ПОДОЦНА НЕ РЕШАВАТ НИШТО, ЗАШТО МОМЕНТАЛНО НЕМА АЛТЕРНАТИВА ВО МАКЕДОНИЈА НА НАМЕТНАТИОТ ПОЛИТИЧКИ СИСТЕМ НА ДВЕ ПРЕДАВНИЧКИ ПАРТИИ И ДЕСЕТИЦИ ДРУГИ, КОИ ПРАКТИЧНО ИМ СЕ ПРИДРУЖНИ. ЦЕЛТА НА СИТЕ Е ПО КОЈ ПАТ ВЕЌЕ ДА ГО ИЗЛАЖАТ МАКЕДОНСКИОТ НАРОД СО ВЕТУВАЊА, ЗА ДА СЕДНАТ ВО ФОТЕЛИТЕ И ДА КРАДАТ, ПРОДАВАЈЌИ ГИ МЕЃУВРЕМЕНО ОСТАТОЦИТЕ ОД МАКЕДОНИЈА. ПОГЛЕДНЕТЕ ГО СПИСОКОТ НА 39-ТЕ ПАРТИИ КОИ ДОБИЛЕ ПАРИ ОД МАКЕДОНСКИОТ БУЏЕТ, Т.Е. ОД НАС ГРАЃАНИТЕ, ЗА ДА ВИДИТЕ ДЕКА СЕКОЈ ДОБИЛ СООДВЕТНО НА СВОЕТО ПРЕДАВСТВО.
– ОВОЈ ПАТ И ОПЦИЈАТА „БОЈКОТ“ НЕ Е ДОБИТНИЧКА. ТАА Е ДОБИТНИЧКА, АКО ГЛАСАЧИТЕ НЕ СЕ ПОВЕЌЕ ОД 5 %. НО ПАРТИСКИТЕ ИДИОТИ ВО МАКЕДОНИЈА СЕ МНОГУ ПОВЕЌЕ. АКО ИЗЛЕЗАТ 25-30 % ТОА ЌЕ БИДЕ КАКОВ-ТАКОВ ЛЕГИТИМИТЕТ. СЕКАКО И СО 5 % ИЗБОРИТЕ СЕ ЗАКОНСКИ, НО НЕ СУМ ВИДЕЛ ВО СВЕТОТ НЕКОЈ ДА УПРАВУВА СО 1-2 %, АКО ВКУПНО ИЗЛЕЗАТ 5 %.
– СЕГАШНИТЕ МАКЕДОНСКИ ГЕНЕРАЦИИ НЕ СЕ СПРЕМНИ ЗА ПРОТЕСТИ, ОТКАКО БЕА ИЗЛАЖАНИ ОД ВМРО-ДПМНЕ ПРЕД ДВЕ ГОДИНИ. НИВНИОТ АДУТ ДЕНЕС Е СЕДЕЊЕ ДОМА И НЕИЗЛЕГУВАЊЕ НА ИЗБОРИ. ТОА ВЕЌЕ НЕМА ЕФЕКТ.
ТОГАШ ШТО ПРАВИМЕ КОГА НЕМА НИТУ ЕДНА ПАРТИЈА: НИТУ ГОЛЕМА, НИТУ МАЛА, НИТУ ПАРТИЈА ВО ПРОЕКТ КОЈА ЌЕ БИДЕ СПРЕМНА НА БОРБА НА КОЈ БИЛО НАЧИН ЗА СПАС НА МАКЕДОНИЈА? НЕМА ЛИДЕР КОЈ ЕДНОСТАВНО, ЈАСНО И ГЛАСНО И ПРАКТИЧНО ЌЕ НАЈАВИ И ПОВЕДЕ ТАКВА БОРБА.
СЕПАК, КОЛКУ ШТО ГЛЕДАМ, ВО МАКЕДОНИЈА ИМА МАЛ БРОЈ ПОЕДИНЦИ СПРЕМНИ ДА СЕ БОРАТ ДО КРАЈ ЗА МАКЕДОНИЈА. АКО НИШТО ДРУГО, БАРЕМ ЗА ДА ПОКАЖАТ ДЕКА ПОТОМЦИТЕ НА ИЛИНДЕНЦИТЕ И НА АНТИФАШИСТИТЕ НЕ СЕ 100% ДЕГРАДИРАНИ.
ЗАТОА ИМАМ ПРЕДЛОГ ОВИЕ ПОЕДИНЦИ ЧИЈ БРОЈ НЕ Е ПОВЕЌЕ ОД 10-15 (СЕКАКО НЕПАРТИСКИ ЛИДЕРИ ИЛИ ФУНКЦИОНЕРИ, ДА СЕ ПРИБЛИЖАТ НА ПАРТИИТЕ КОИ ЧЕКААТ ПРАТЕНИЧКО МЕСТО) ДА СЕ СРЕТНАТ, ДА ГИ УСОГЛАСАТ СВОИТЕ СТАВОВИ И ДА ОДЛУЧАТ ШТО ДА СЕ ПРАВИ ВО ИДНИНА.
ЗАТОА ШТО МИЛЕНКО НЕДЕЛКОВСКИ И НЕГОВИОТ МЕДИУМ „ДУДИНКА“ ДЕНЕС Е ЕДИНСТВЕНО УПОРИШТЕ НА МАКЕДОНИЗМОТ СО МЕЃУНАРОДНО ПРИЗНАНИЕ, ИМАМ ПРЕДЛОГ ДА БИДЕ КООРДИНАТОР НА ТАКВА СРЕДБА, КОЈА, СЕ РАЗБИРА, МОРА ДА БИДЕ ЗАЧУВАНА ОД ПАРТИСКИ МАНИПУЛАНТИ И ШПИУНИ.
Стефан Влахов-Мицов