ПОКАНА ДО БЕЈЛИ

Утрово ова го испратив на сите достапни адреси на амбасадата на САД во Македонија, како и на нивната ФБ страна.

Амбасадоре Бејли,
На овој начин ви ги честитам Новогодишните и Божикните празници.
Воедно, би сакал да ве поканам да гостувате во најгледаната и највлијателната политичка ТВ емисија во Македонија “Миленко Неделковски Шоу“, за да можете на МАКЕДОНКИОТ народ на МАКЕДОНСКА (не албанска) телевизија, и на телевизија која не е со рејтинг под нивото на статистичка грешка, да му ги соопштите своите анализи, ставови, гледишта, прогнози…
Вие и Вашите претходнци редовно одбивавте да гостувате во емисијата, што е секако Ваше право. Мое право е да се запрашам зошто е тоа така? Затоа што се плашите? Или затоа што немате одговор на директни прашања? Или затоа што се чуствувате посигурно во прегратките на албанските новинари во Македонија?!
Од друга страна, вашиот претпоставен Барак Хусеин Обама, ги користи најгледаните емисии, највлијателните програми и најжестоките водители за да се претстави пред јавноста во САД. Вие, засега, не го следите неговиот пример.
Па така, за да не биде оваа честитка залудно пратена, ви праќам и неколку прашања што би ви ги поставил доколку бидете гостин во мојата емисија, а еве имате можност и писмено да ги одговорите:

1. Дали САД донесе демократија, слобода, ред, мир и функционалност во државите: Либија, Ирак, Авганистан, Сирија, Украина?
2. Гавнатанамо, како институција, со колку точки од вашиот Устав (донесен од Фаундинг фадрс со зборовитр “ви д пипл“) се крши?
3. Колку уште пати, по Охридскиот и Пржинскиот договор, ќе треба насилно да го менувате Уставот на Република Македонија, за да бидете задоволни со сработеното?
4. Дали ја почитувате вољата на народот во Македонија изразена на избори?
5. Дали сте за слобода на говор, мисла, изразување?
6. Дали Вашата Влада ја прислушкувала Ангела Меркел?
7. Дали има друг пример во сегашноста, и низ историјата, во светот на некој народ да не му се дозволи да се нарекува така како што сака и како што традицијата му налага?
8. Каква перспектива има светот со еднополни бракови?
9. Дали ви е страв од Владимир Путин?
10. Колку пари должи САД на Кина?

Ви благодарам на времето одвоено доколку сте го прочитале ова.

Поздрав,

Миленко Неделковски