КАПИТУЛАЦИЈАТА НА МАКЕДОНСКАТА ПСЕВДОЕЛИТА
По Првата светска војна Османлиската империја е уништена и согласно Севрскиот
договор (1920 г.) губи 75 % од својата територија. Тогаш турскиот бунтовен лидер Мустафа
Кемал изјавил: „Господа, дури и ако целата наша земја биде опустошена и во пламен, ние ќе
се искачиме на некој рид од нашата земја и ќе се браниме оттаму“. И не само што изјавува,
туку Турција воскреснува.
За да се зачува една држава се потребни барем еден вистински лидер и патриоти
околу него спремни за борба. Бројот во почеток не е битен (забелешка – почетокот на
македонската антифашистичка борба). Фидел Кастро во Куба имал само 34 луѓе. Битна е
каузата, духот, стратегијата.
ДЕНЕС, НИЕ ВО МАКЕДОНИЈА НЕМАМЕ НИШТО. НИТУ МАКЕДОНСКИ ЛИДЕРИ, НИТУ
МАКЕДОНСКИ ИНСТИТУЦИИ, НИТУ ЛУЃЕ СПРЕМНИ ЗА САМОЖРТВА. За македонски партии не
сакам да зборувам, затоа што една од дефинициите за партија е „криминална организација со
цел да се добијат позиции, кои и обезбедуваат можности за корупција“. Во нашиот случај тоа е
апсолутно точно.
Денес, современ македонски Ататурк, Кастро, Путин, Мадуро, Ердоган не може да
најдеме ниту во македонската армија каде што на три илјади војници има две илјади
официри, ниту во службите за безбедност, кои први ја предадоа и продадоа македонската
држава, ниту пак во македонската полиција. Сите тие се во служба на окупаторите од САД и
НАТО и на внатрешните предавници. Не од сега, туку уште од 90-те години на минатиот век. Кај нас белото се третира како црно, а црното како бело. Во времето на УДБА македонските
патриоти се гонети како „националисти и екстремисти“. Денешните Удба-ши ги квалификуваат
и апсат македонските патриоти на сосема ист начин. Тоа значи дека осамостојувањето на
Македонија било само формално. ПОЛИТИЧАРИТЕ-ПРЕДАВНИЦИ СЕ ИСТИТЕ
АНТИМАКЕДОНЦИ КАКО ВО МИНАТОТО, УДБАШИТЕ – ИСТИТЕ ИЗРОДИ. СМЕНЕТ Е САМО
ГОСПОДАРОТ. ВО МИНАТОТО СОФИЈА И БЕРЛИН, ПОДОЦНА – БЕЛГРАД, ДЕНЕС – ВАШИНГТОН.
Македонската псевдоелита со ретки исклучоци е антимакедонска, поткуплива и
забегана. Таа никогаш не била воспитана во македонски дух, никогаш немала македонски
вредности. За неа вредност се само парите и моменталната службена позиција. Затоа и тие кои
мораше по службена должност да ја бранат државата, се покажаа предавници. ПРИТОА, НА
НАЈВУЛГАРЕН НАЧИН ГО ПРЕФРЛААТ СВОЕТО ПРЕДАВСТВО ВРЗ НАРОДОТ. Некои вмровски
медиуми го прикажуваат Груевски како пророк, затоа што во есента 2016 г. пред изборите го
предупредил народот дека ако не му даде целосна поткрепа, ќе отиде државата. Ама кога
македонскиот народ два пати му даде целосна поткрепа, зошто не формира самостојна влада
и не го пресече албанскиот сепаратизам. Затоа што немаше муда за тоа, што се додворуваше
на Западот кој го подржуваше тој сепаратизам. Истото го гледаме сега и кај Мицкоски.
СДСМ се предавници, но и ВМРО-ДПМНЕ содржински се исти. Затоа колку и да се
„чистат“ државата се повеќе пропаѓа.
За цели два мандата претседателот Иванов имаше само една цврста изјава – на
Генералното собрание на ООН. Но потоа пак се скри во дупка. Не е чудно ако доброволно се
симне од функција како Груевски. Затоа што, македонските наводни државници се прават на удрени. Тие не се ставени на позиција да констатираат, ТУКУ ДА ДЕЈСТВУВААТ. Кога си
премиер, не смееш да плачеш дека државата ќе згасне, туку да го спречиш тоа со сите
средства со кои си овластен. Кога си претседател, не смееш да раскажуваш приказни како
згаснала Самоиловата држава, туку да се поучиш од тоа и да го спречиш.
Во изминатите 28 години ние станавме за потсмев во цел свет. СТАНАВМЕ ЗА ПОТСМЕВ
КАКО МАКЕДОНСКИ НАРОД, НЕЗАВИСНО ОД ТОА ШТО ПСЕВДОЕЛИТАТА НЕ ПРЕДАВА. ЗАТОА
ШТО ТАА ПСЕВДОЕЛИТА Е ОД НАШАТА ЗЕМЈА, ЗАТОА ШТО НИЕ ИАКО ФОРМАЛНО, ЈА
ИЗБИРАМЕ НА ИЗБОРИ. ЗАТОА ШТО КОГА ГО ГЛЕДАМЕ НЕЈЗИНОТО ПРЕДАВСТВО, НЕ СЕ
СПРОТИВСТАВУВАМЕ.
ДОБРО, НА РЕФЕРЕНДУМОТ И СЕ СПРОТИВСТАВИВМЕ. НО КОГА ГЛЕДАМЕ ДЕКА НЕ СЕ
ПОЧИТУВА НАШЕТО СУВЕРЕНО ПРАВО, ШТО ПРАВИМЕ ПОНАТАМУ? Мицкоски си поигрува со
исклучувања и амнестии, Заев си го тера предавството.
МАКЕДОНСКА ДРЖАВА НЕ МОЖЕ ДА ИМА БЕЗ МАКЕДОНСКИ НАЦИОНАЛИЗАМ.
ПРИТОА, ВИСТИНСКИ РАДИКАЛЕН МАКЕДОНСКИ НАЦИОНАЛИЗАМ. ТАКОВ КАКОВ ШТО Е
АМЕРИКАНСКИОТ И БРИТАНСКИОТ НАЦИОНАЛИЗАМ, А НА БАЛКАНОТ ГРЧКИОТ, АЛБАНСКИОТ,
БУГАРСКИОТ.
СО ЕДНА РЕЧЕНИЦА: МОРА ДА СЕ ОТВОРАТ ПАПКИТЕ НА СЕГАШНИТЕ УДБАШИ, КОИ ГИ
СЛЕДАТ И ПРИСЛУШУВААТ МАКЕДОНСКИТЕ „НАЦИОНАЛИСТИ И ЕКСТРЕМИСТИ“ И ТОЧНО ТИЕ
„НАЦИОНАЛИСТИ И ЕКСТРЕМИСТИ“ ДА ЗАСТАНАТ НА ЧЕЛО НА МАКЕДОНСКАТА ДРЖАВА. КАКО
ШТО Е ТОА НОРМАЛНАТА ПРАКТИКА ВО СВЕТОТ.